மைத்ரேய புத்த விகார் திறப்பு விழா - ஆந்திரா

அமைவிடம் : 

மைத்ரேய புத்த விகார் (Maitreya Buddha Viharam)
ZP உயர்நிலைப் பள்ளிக்கு எதிரில்,
வுந்திரஜாவரம் கிராமம், தனுக்கு அருகில்,
மேற்கு கோதாவரி மாவட்டம், ஆந்திரப்பிரதேசம் 534216

பகவன் புத்தர் தமது முதல் தம்ம பிரசங்கத்தை வழங்கிய தம்மசக்கப்பாவத்ன நாளன்று மைத்ரேய புத்த விகார் திறப்பு விழா 29 ஜூலை 2026 புதன் கிழமை காலை துவங்கப்பட்டது. புத்த கயாவில் உள்ள உலகப்புகழ் பெற்ற மகாபோதி மகா விகாரையின் கட்டிடக்கலை மாதிரியால் ஈர்க்கப்பட்டு மைத்ரேய புத்த விகார் கட்டப்பட்டுள்ளது.   

பந்தே அனாலயோ

வணக்கத்திற்குரிய பிக்கு அனாலயோ அவர்களின் முயற்சியால் ஏப்ரல் 14 2022 (பாபா சாகிப் பிறந்த நாள்) அன்று மைத்ரே புத்த விகார் கட்டுமானம் பந்தே அனாலயோ அவர்களால் ஆரம்பிக்கப்பட்டது. மைத்ரேய புத்த விகாரை கட்டி முடித்து அதன் திறப்பு விழா 29/07/2026க்கு அழைத்திருந்தார். அவரின் அழைப்பை ஏற்று அபி (ABI) அறக்கட்டளை, மங்கள புத்த விகார் மற்றும் தென்னிந்திய பௌத்த விகாரிலிருந்து இருந்து 11 பேர் சென்று மகிழ்ந்தோம். 

பௌத்த தம்மபித்தமு (Buddha Dhammapitamu) என்ற இடத்தில் காலை தங்கியிருந்து, காலை 8 மணிக்கு விகார் சென்றோம். இங்கு தெலுங்கு மொழில் பல பௌத்த நூல்களை கண்டோம். பௌத்த தம்மபித்தமு முகப்பில் ஒரு புத்தர் சிலையுள்ளது, முதல் அறையில் இருந்த வெள்ளை நிற புத்தர் சிலையை அங்கிருந்து எடுத்து மைத்ரேய புத்த விகார் முகப்பில் வைக்கப்பட்டுள்ளது. இந்த அறையில் நீல நிற கோட் அணித்து பாபாசாகிப் சிலையுள்ளது.

பவத்து சப்ப மங்களம் 

(அனைவருக்கும் மங்களம் உண்டாகட்டும்)

பௌத்த தம்மபித்தமு (Buddha Dhammapitamu) இருந்த போஸ்டரில் உள்ள ஆங்கில மொழியிலிருந்த வரிகளை தமிழில் அளித்துளேன்.

"என் சமூகத் தத்துவத்தை நேர்மறையாகச் சொல்வதானால், அது மூன்று சொற்களில் அடங்கியுள்ளது: சுதந்திரம், சமத்துவம் மற்றும் சகோதரத்துவம். ஆனால், நான் இந்தத் தத்துவத்தை பிரெஞ்சுப் புரட்சியிலிருந்து கடன் வாங்கினேன் என்று யாரும் கூற வேண்டாம். நான் அவ்வாறு செய்யவில்லை. என் தத்துவம் அரசியல் அறிவியலில் அல்ல; மதத்தில் வேரூன்றியுள்ளது. அதை நான் என் குருவான புத்தரின் போதனைகளிலிருந்து பெற்றேன்."

"நீங்கள் அனைவரும் புத்த மதத்தைத் தழுவாத வரை, இந்த நாட்டில் உண்மையான மனித மரியாதையையும் மனித அந்தஸ்தையும் பெற முடியாது." — டாக்டர் பி.ஆர். அம்பேத்கர்

நிகழ்ச்சிகள்

காலை உணவு, தண்ணீர், தேநீர் அளிக்கப்பட்டது. இந்த பணிகளை செய்ய பெண்கள் பலர் இருந்து கவனித்துக்கொண்டனர். இவர்கள் பெரும்பாலும் ஒரே நிற புடவையணித்து பணிசெய்தனர். உணவு மிக அருமையாக இருந்தது.

வரலாற்று நாயகர் பேரரசர் அசோகர் (The Great Indian Emperor),  இந்திய தேச தந்தை பாபா சாகிப், ஆனா பானா, விபாசனா ஆகிய பௌத்த தியானத்தை மீண்டும் இந்தியாவிற்கு கொண்டுவந்த  S.N.கோயங்கா ஆகியோரின் உருவங்கள் பதித்த போஸ்டர்ஸ் பல இருந்தது .  

பள்ளி மாணவ மாணவிகள் உருவாக்கிய ஒரு புத்தர் உருவம் விகார்  முகப்பில் வைக்கப்பட்டு இருந்தது. இந்த  உருவத்தினுள் ஒருவர் சென்றுவிடுகிறார். அவர் விழாவிற்கு வந்து செல்பவர்களை கண்டு வாழ்த்தி வழியனுப்புகிறார் 

NCC தேசிய மாணவர் படை, Scouts and Guides சாரணர்கள் மற்றும் சாரணியர்கள் (பள்ளி மாணவர்கள் மாணவிகள்) பாலர் வருகை புரிந்து மிக அருமையாக பணி செய்தனர். பள்ளி ஆசிரியர்கள் மாணவர்ளுடன் இருந்து கவனித்து வழிநடத்தினர் 

இதில் கலந்துகொண்ட கலாச்சாரம் மற்றும் சுற்றுலாத்துறை இணை அமைச்சர் கண்டூல துர்கேஷ் கிருஷ்ணா-கோதாவரி பகுதியில் ஒரு விரிவான பௌத்த சுற்றுலாச் சுற்றுப்பாதையை உருவாக்க வேண்டும் என்று மத்திய அரசை வலியுறுத்தினார். 

இந்தியா, தாய்லாந்து, மியான்மர், கம்போடியா மற்றும் இலங்கையைச் சேர்ந்த 28 மதிப்பிற்குரிய பிக்கு பிக்குணிகள் வந்திருந்தனர். இலங்கையைச் சேர்ந்த மிகவும் வணக்கத்திற்குரிய போதகம சந்திம மகாநாயக்க தேரர் சிறப்பு விருந்தினர்

ககன் மாலிக் ஒரு புகழ்பெற்ற இந்திய நடிகர்/செயல்பாட்டாளர் மற்றும் பௌத்த ஆர்வலர் ஆவார். இவர் இலங்கை சிங்களத் திரைப்படமான 'ஸ்ரீ சித்தார்த்த கௌதம' திரைப்படத்தில் புத்தர் பாத்திரத்தில் நடித்ததற்காக உலக பௌத்த திரைப்பட விழாவில் சிறந்த நடிகருக்கான விருதை வென்றார். 'ராமாயணம்' தொடரில் ராமர் வேடத்தில் நடித்ததற்காகவும் மிகவும் அறியப்படுகிறார். 

தென்னிந்திய புத்த விஹார் பெரம்பூர், சென்னை 125 ஆண்டு விழா (19/12/2021) மறைந்த பாபா சாகிப் மற்றும் பௌத்தர் அண்ணன் ஆர்ம்ஸ்ட்ராங் அவர்கள் மிக சிறப்பாக நடத்தினார். அந்த விழாவிற்க்கு சிறப்பு விருந்தினராக அழைக்கப்பட்டார் ககன் மாலிக்.   

மைத்ரேய புத்த விகார் 

ஆறு ஏக்கர் நிலத்தில் அமைந்துள்ளது மைத்ரேய புத்த விகார். இது உயரமான பகுதி, இரவில் ரெயில் மூலம் வரும் பொழுது, இந்த விகாரையை காணமுடிந்தது. வெள்ளை நிறத்தில் விகார் அமைந்துள்ளது. விகார் முழுவதும் தேசிய சின்னம் நான்கு சிங்கம்,  நம் தேசிய கொடியில் அமைந்துள்ள தம்ம சக்கரம் விகார் முழுவதும் மிக அருமையாக அமைக்கப்பட்டுள்ளது. விகரின் உள் புத்த கயா புத்தரை போன்று புத்தர் அமைக்கப்பட்டுள்ளது.  போதிமன்றத்திற்கென்று தனியாக ஒரு இடம்  அமைத்து வணங்கப்படுகிறது. பிக்கு, பிக்குணிகள் தங்க ஒரு இடம் கட்டப்பட்டுள்ளது. விகரின் வெளிய பெரிய புத்தர் சிலை ஒன்றும் உள்ளது.

காலை தொடங்கிய மக்கள் வருகை மாலை வரை கண்டேன். மக்கள் கூட்டம் அதிகம், ஆனால் எந்த நெரிசலும் இல்லை.  30,000 க்கும் மேற்பட்ட மக்கள் வந்திருந்தனர். மத்திய உணவு இரண்டு இடங்களில் வழங்கப்பட்டது, கூட்ட நெரிசல் இல்லாமல் இருந்தது. உணவு அத்தனையும் மிக அருமை. ஏன் தமிழ் நாட்டில் இது போன்று நிகழ்வதில்லை என்று நினைத்து கொண்டே தமிழ் நாடு திரும்பினோம். வெளியே விகார்க்கு மிக அருகில் இருந்த பாபா சாகிப் சிலைகள்.

பௌத்த சமயத்தின் இருமொழிகள் (அ) இரு பிரிவுகள்

ஏன் திரிபிடகம் எழுதப்பட்டது?

கௌதம புத்தரின் தாய்மொழி மகதி பிராகிருதம் (Magadhi Prakrit) (அ) அர்த்தமகதி ஆகும். இது தற்கால பீகார் மற்றும் கிழக்கு உத்தரப்பிரதேசப்

பகுதிகளில் புழக்கத்தில் இருந்த ஒரு பழங்கால பேச்சு வழக்குப் மொழியாகும்.

 

பலர் புத்தரிடம் வேண்டியும் பௌத்த போதனைகளை எழுத்து வடிவில் பதிய புத்தர் விரும்பவில்லை. பகவன் புத்தர் காலத்தில் எந்த தத்துவங்களும் எழுத்து வடிவில் இல்லை. சூத்திரங்கள் பிக்குகள், பிக்குணிகள் மற்றும் இல்லறத்தோர் ஆகியோர் மனப்பாடம் செய்து வாய்மொழியாகவே அடுத்த தலைமுறைக்குக் கடத்தினர். கௌதம புத்தரின் பரிநிப்பாணத்திற்குப் பிறகு, அவரது போதனைகளைப் பாதுகாக்கவும், ஒழுக்க விதிகளைத் தொகுக்கவும் திரிபிடகம் பாலி மொழியில் எழுதப்பட்டது.

 

புத்தரின் போதனைகளை அழிக்காமல் அடுத்த தலைமுறைக்குக் கொண்டு செல்லவும், பிக்குகளுக்குள் கருத்து வேறுபாடுகள் ஏற்படுவதைத் தடுக்கவும் திரிபிடகம் ஓலைச்சுவடிகளில் எழுதப்பட்டது.

 

பௌத்த போதனைகள் முதன் முதலில் பாலி மொழியில் எழுதப்பட்டது பின்னர் சம்ஸ்கிருத மொழியில் எழுதப்பட்டது.

பாலி மொழி

முதல் பௌத்த சங்கம்

கௌதம புத்தரின் பரிநிப்பாணத்திற்குப் பிறகு, அவரது போதனைகளைப் பாதுகாக்கவும், ஒழுக்க விதிகளைத் தொகுக்கவும் முதல் பௌத்த சங்கம் கூட்டப்பட்டது. இந்தியாவின் ராஜகிருகத்தில் இச்சங்கத்தில், வணக்கத்திற்குரிய மகாகாசியபர் தலைமையில் 500 அரகந்த பிக்குகள் ஒன்று கூடினர். புத்தரின் போதனைகள் அனைத்தையும் ஓதிப் பார்த்தனர். வணக்கத்திற்குரிய உபாலி ஓதிய 'வினயம்' 'வினய பிடகம்' என ஏற்றுக்கொள்ளப்பட்டது. வணக்கத்திற்குரிய ஆனந்தர் ஓதிய 'தம்மம்' 'சூத்திர பிடகம்' என நிலைநிறுத்தப்பட்டது.

காலம் கிமு 483 (புத்தர் மறைந்த ஆண்டு).

இடம்: ராஜகிரகத்தில் உள்ள சப்தபர்னி (சத்தபானி) குகை, பிகார்.

தலைமை: மூத்த துறவி மகாகாசியபர்.

ஆதரவு: மகதப் பேரரசர் அஜாதசத்ரு.

இரண்டாவது பௌத்த சங்கம்

கௌதம புத்தரின் பரிநிர்வாணத்திற்குப் பிறகு, கிமு 383-ல் (சுமார் 100 ஆண்டுகளுக்குப் பிறகு) இந்தியாவின், பண்டைய பீகாரின் வைசாலி நகரத்தில் நடைபெற்றது.

புத்தரின் பரிநிப்பாணம் நிகழ்ந்து 100 ஆண்டுகளுக்குப் பிறகு, வினயம் சார்ந்த சர்ச்சைக்குரிய கருத்துகளை விவாதிப்பதற்காக இரண்டாவது பௌத்த சங்கம் வைசாலியில் கூடியது. அப்போது சங்கத்தில் முதல் பிளவு ஏற்பட்டது. இதில் மகாசங்கிகா பிரிவினர் (மகாயானம்), தேரவாதிகளை விட்டுப் பிரிந்து சென்றனர்.

 

புத்தரின் போதனைகளுக்குச் சூத்திரங்களையும் வினயத்தையும் மட்டுமே இறுதி அதிகாரமாகக் கொள்ள மகாசங்கிகா பிரிவினர் தயக்கம் காட்டியதே இப்பிரிவினைக்கு முக்கியக் காரணமாக அமைந்தது.

 

இப்பிரிவினையே பிற்காலத்தில் மகாயான பௌத்தத்தின் தொடக்கப்புள்ளியாக அமைந்தது. இப்பிரிவே பின்னர் வட ஆசியப் பிராந்தியத்தில் (சீனா, திபெத், ஜப்பான், கொரியா) பௌத்தத்தின் மீது ஆதிக்கம் செலுத்தும் சக்தியாக உருவெடுத்தது.

மூன்றாவது பௌத்த சங்கம்

மூன்றாவது பௌத்த சங்கம் (Third Buddhist Council) கி.மு. 250-ல் மௌரியப் பேரரசர் அசோகரின் ஆதரவில் பாடலிபுத்திரத்தில் (இன்றைய பாட்னா) கூட்டப்பட்டது.

கொள்கை சார்ந்த கருத்துகளில் ஏற்பட்ட முரண்பாடுகள் மேலும் பல பிளவுகளுக்கு வழிவகுத்து. இச்சங்கத்தில் அபிதம்ம பிடகம் ஓதிப் பார்க்கப்பட்டது. நவீன பாலி திரிபிடகம் இப்போது அடிப்படையில் முழுமை பெற்றுள்ளது. 

நான்காவது பௌத்த சங்கம்

நான்காவது பௌத்த சங்கம் (Fourth Buddhist Council) என்பது பௌத்த மத வரலாற்றில் மிக முக்கியத்துவம் வாய்ந்த ஒரு நிகழ்வாகும். இது கி.பி. 72-ஆம் நூற்றாண்டில் குஷான மன்னரான கனிஷ்கரின் (Kanishka) ஆதரவின் கீழ், காஷ்மீரில் உள்ள குண்டல்வனத்தில் (ஸ்ரீநகர்) நடைபெற்றது.

இந்த மாநாட்டிற்கு பௌத்த அறிஞர் வசுமித்ரர் (Vasumitra) தலைவராகவும், அஸ்வகோஷர் (Asvaghosa) துணைத் தலைவராகவும் தலைமை தாங்கினர்.

இந்தச் சங்கத்தின் போதுதான் பௌத்தம் அதிகாரப்பூர்வமாக ஹீனயானம் (Theravada) மற்றும் மகாயானம் (Mahayana) என இரண்டு பெரிய பிரிவுகளாகப் பிரிந்தது.

திரிபீடக (Tripitaka) நூல்களுக்கு விரிவான விளக்கவுரைகள் தொகுக்கப்பட்டு, 'மகாவீபாஷா' (Maha-Vibhasa) என்னும் தத்துவார்த்த நூல் சமஸ்கிருத மொழியில் உருவாக்கப்பட்டது.

பௌத்தக் கலப்பு சமஸ்கிருதம்

எப்பொழுது திரிபிடகம் எழுதப்பட்டது?

கௌதம புத்தரின் போதனைகளைக் கொண்ட திரிபீடக (Tipitaka) நூல், முதன்முதலில் பொ.ஆ.மு. முதல் நூற்றாண்டில் (1st Century BCE) இலங்கையில் பாலி மொழியில் எழுத்து வடிவில் தொகுக்கப்பட்டது.

அதன்பின், பொ.ஆ. 1-ஆம் நூற்றாண்டு முதல் பொ.ஆ. 2-ஆம் நூற்றாண்டு வரையிலான காலகட்டத்தில், மகாஞான பௌத்த (Mahayana) பிரிவைச் சேர்ந்த அறிஞர்களால் புத்தரின் போதனைகள் சமஸ்கிருத மொழியில் (Buddhist Hybrid Sanskrit) மொழிபெயர்க்கப்பட்டு, அவை சமஸ்கிருத திரிபீடகமாக உருவாக்கத் தொடங்கின. 

நான்காவது பௌத்த சங்கம் பிறகு திரிபிடகம் பாலிமொழில் முதன் முதலில் எழுதப்பட்டது. பின்னர் சமஸ்கிருதத்தில் திரிபிடகம் எழுதப்பட்டது.  புத்தரின் போதனைகள் சமஸ்கிருத மொழியில் மொழிபெயர்க்கப்பட்டு, அவை சமஸ்கிருத திரிபீடகமாக உருவாக்கத் தொடங்கின. இது பௌத்தக் கலப்பு சமஸ்கிருதம் (Buddhist Hybrid Sanskrit) என்று குறிப்பிடப்படுகிறது

பாலி மொழி (Pali) மற்றும் சமஸ்கிருத மொழி (Sanskrit) இடையே உள்ள வேறுபாடுகள்

01)தேரவாத பௌத்தம் திரிபிடகம் எழுதப் பாலி மொழியைப் பயன்படுத்தியது. மகாயான பௌத்தம் திரிபிடகம் எழுதப் வடமொழியைத் (சமஸ்கிருதம்) பயன்படுத்தியது.

02)பாலி மக்கள் மொழி, எளிதில் அணுகக்கூடிய வட்டார மொழி. சமஸ்கிருத மொழி பேச்சு மொழியல்ல. கடவுளை வழிபட, துதிக்க மந்திரங்களை ஓதிய வாய் மொழி.

03) பாலி மொழியில் தான் திரிபிடகம் முதன் முதலில் எழுதப்பட்டது. பாலி மொழிக்கு பிறகு சமஸ்கிருத மொழியில் திரிபிடகம் எழுதப்பட்டது.

04)இந்திய வட்டார மொழிகளில் ஒன்று பாலி மொழி. சமஸ்கிருத மொழி இந்தியவிற்கு வந்த அந்நிய மொழி.

05) பாலி மொழில் பகவன் புத்தர் வழிகாட்டி (தாதகர்). வரலாற்று ரீதியான, ஞானம் பெற்ற மனித ஆசிரியராகக் புத்தர் கூறப்படுகிறார். தேரவாத பௌத்தம் புத்தரின் அசல் போதனைகளை மிகக் கண்டிப்பாகப் பின்பற்றுகிறது. சமஸ்கிருத மொழில் பகவன் புத்தர் கடவுளாக கூறப்படுகிறார். பக்தியையும் உள்ளடக்கியுள்ளது சமஸ்கிருத மொழி.

06) பாலி மொழி வரலாறு மற்றும் சான்றுகளை கொண்டது. பாலி மொழி பகவன் புத்தர் மனிதர்கள் செய்யும் செயலை தவிர வேறு செயலை செய்ததில்லை. சமஸ்கிருத மொழி பல கற்பனைகளை கொண்டது, மனிதர்களால் செய்ய முடியாத செயலை பகவன் புத்தர் செய்துள்ளார். 

07)தேரவாத பௌத்தம் (இலங்கை, தாய்லாந்து, மியான்மர், கம்போடியா மற்றும் லாவோஸ்) ஆகிய நாடுகளில் காணப்படுகிறது. மகாயான பௌத்தம் இந்தியா, திபெத், கிழக்கு ஆசியா ஆகிய நாடுகளில் காணப்படுகிறது.

08) பாலி மக்கள் மொழி, மொழியை பயன்படுத்த எந்த தடையும் இல்லை. சமஸ்கிருதம் ஒரு பிராமண வழிபாட்டு மொழியாக இருந்தது. ஒரு சிலர் மட்டுமே வடமொழி படிக்க, ஓத தகுதியானவர்கள். தகுதியற்றவர்கள் சமஸ்கிருத மொழியை கேட்டாலோ, ஓதினாலோ கடுமையான தண்டனைக்கு உள்ளாவார்.

09) மகாயானம் இந்தியாவுக்கு வெளியே பரவியபோது, இதன் சமஸ்கிருத நூல்கள் பாரம்பரிய சீன மொழி, திபெத்திய மொழி, ஜப்பானிய மொழி மற்றும் கொரிய மொழிகளில் மொழிபெயர்க்கப்பட்டன. தாமரை சூத்திரம் மற்றும் இதய சூத்திரம்.

10) பாலி சூத்திரங்கள் விநய பிடகம், சுத்த பிடகம், அபிதம்ம பிடகம். மகாயான சூத்திரங்கள் பிரஜ்ஞாபாரமித சூத்திரம் (Prajnaparamita Sutra) சூனியவாதம், சத்தர்ம புண்டரீக சூத்திரம் (Lotus Sutra), அவதம்சக சூத்திரம் (Avatamsaka Sutra).

 

 * சமஸ்கிருதம் (சம்ஸ்கிருதம்) என்ற சொல்லின் உண்மையான பொருளே செப்பனிடப்பட்ட மொழி அல்லது நன்றாகச் செய்யப்பட்ட மொழி என்பதாகும்.

* மகாயான பௌத்தத்தின் மிகப்பெரிய தவறு சமஸ்கிருத மொழி தேர்வு    

பௌத்தர்களுக்கு மறுக்கப்படும் நீதி

 01.மகாபோதி விகாரின் வரலாற்றுப் பின்னணி

01).உலகெங்கிலும் உள்ள முஸ்லிம்களுக்கு மக்கா, இந்துக்களுக்கு காசி, கிறிஸ்தவர்களுக்கும் யூதர்களுக்கும் ஜெருசலேம் ஆகியவை எவ்வளவு புனிதமான யாத்திரைத் தளங்களோ, அதேபோல் பௌத்தர்களுக்கு புத்த கயா ஒரு தூய யாத்திரைத் தளமாகும். உலகெங்கிலும் உள்ள பௌத்தர்கள் ஒவ்வொரு ஆண்டும், கோடிக்கணக்கான மக்கள் உலகின் தொலைதூர மூலைகளிலிருந்து வந்து புத்தரை வணங்கி செலுத்துகின்றனர்.

 

02).சித்தார்த்த கௌதமர் ஞானம் பெற்று புத்தரானது புத்த கயாவில் உள்ளது மகாபோதி விகாரம்.

 

03).கி.மு மூன்றாம் நூற்றாண்டில் பேரரசர் அசோகரால் நிறுவப்பட்ட ஒரு பழமையான பௌத்த விகாரமாகும். 

04).மகதப் பேரரசின் வீழ்ச்சிக்குப் பிறகும், பௌத்தம் தொடர்ந்து செழித்து வளர்ந்தது, புத்த கயா பௌத்தர்களின் கட்டுப்பாட்டிலேயே தொடர்ந்து இருந்தது.

05).இந்து மத ஆட்சியாளர்கள் மற்றும் இந்து மறுமலர்ச்சி ஆகியவற்றால் எழுச்சியடையத் தொடங்கியது வைதீகம் (இந்துமதம்).  ஆட்சியாளர்களின் ஆதரவின்மை மற்றும் துன்புறுத்தல் போன்ற காரணங்களால் பௌத்தம் வீழ்ச்சியடையத் தொடங்கியது. 

 

கி.பி.7ஆம் நூற்றாண்டில் சைவ மன்னன் சசாங்கனின் ஆட்சியின் போது பௌத்தமும் புத்தகயாவும் கடுமையாகப் பாதிக்கப்பட்டாலும், 13ஆம் நூற்றாண்டில் இஸ்லாமியப் படையெடுப்பாளர்களின் தாக்குதலே அதன் இறுதி வீழ்ச்சிக்குக் காரணம் என்று கூறப்படுகிறது, அப்போது புத்தகயா கைவிடப்பட்டது. 

06).விகாரத்தின் புத்தமத தோற்றம் உள்ளூரில் கிட்டத்தட்ட மறக்கப்பட்டது. பத்தொன்பதாம் நூற்றாண்டின் தொடக்கத்தில், முழு இடமும் ஒரு சைவ வழிபாட்டின் வசம் சென்றது. இது கயாவிலிருந்து வந்த வைணவ யாத்ரீகர்கள் விஷ்ணுவின் அவதாரமாகக் கருதப்படும் போதி-மரத்தை தங்கள் புனிதத் தலங்களின் சுற்றில் சேர்க்க அனுமதித்தது. பௌத்தத்தை அது தோன்றிய இந்திய மண்ணிலிருந்து அகற்ற பயன்படுத்திய பொய்க்கருத்து தான் புத்தர் விஷ்ணுவின் அவதாரமென்பது.

 

07). 16 ஆம் நூற்றாண்டில் ஒரு அலைந்து திரிந்த இந்து சாது மகாபோதிக்கு அருகில் ஒரு கோவிலை நிறுவினார். விஹாரா மற்றும் மகாந்த் என்று அழைக்கப்பட்ட அவர், அந்தப் பகுதியின் தலைமை நில உரிமையாளரானார், மகாபோதி விகார் மற்றும் அதன் சுற்றுப்புறங்களின் உரிமையையும் கூட கோரினார்.

 

08).16 மற்றும் 18ஆம் நூற்றாண்டுகளுக்கு இடையில், பர்மாவின் மன்னர்கள் மகாபோதியின் அகழ்வாராய்ச்சி மற்றும் மறு சீரமைப்பிற்காக ஏராளமான நிதியுடன் பிரதிநிதிகளை அனுப்பினர். மகாபோதி விகார் மறுசீரமைப்பில் பல பிரிட்டிஷ் நிர்வாகிகளும் முக்கிய பங்கு வகித்தனர். அலெக்சாண்டர் கன்னிங்ஹாம், எட்வின் அர்னால்ட், ஹாமில்டன் புக்கனன், ராஜேந்திரலால் ஆகியோர் மிக முக்கியமான பங்கை வகித்தனர். மித்ரா மற்றும் இந்தியாவில் பௌத்த வரலாற்றை மீண்டும் கண்டுபிடித்து, நாட்டின் உன்னத பௌத்த பாரம்பரியத்தைப் பாதுகாக்கவும், பாதுகாக்கவும், சிறப்பிக்கவும் பணியாற்றிய பலர்.

 

09).1891 ஆம் ஆண்டு இலங்கை பௌத்த பிக்கு அனகாரிகா தர்மபாலர் ஒரு யாத்ரீகராக விகாரைக்குச் சென்றார். அங்கு அவர் கண்ட பரிதாபகரமான சூழ்நிலையைக் கண்டு அதிர்ச்சியடைந்தார். மகாபோதியின் பராமரிப்பு அல்லது பராமரிப்பிற்காக எதுவும் செய்யப்படாத நிலையில், வழிபாட்டாளர்களின் தாராளமான காணிக்கைகளை பிராமணர்கள் பறிமுதல் செய்ததைக் கண்டு அவர் வருத்தப்பட்டார்.

10). விஹாரத்திலேயே, மகாந்தரின் பிடியிலிருந்து விகாரை விடுவிப்பதாக அவர் முடிவெடுத்தார். மகாபோதி கோயிலை விடுவிப்பதற்காக, உலகம் முழுவதிலுமிருந்து பௌத்தர்கள் தங்கள் புனித விகார் பௌத்தர்களின் கட்டுப்பாட்டில் மட்டுமே இருக்க வேண்டும் என்று கோரத் தொடங்கினர். அனகாரிகா தர்மபாலாவின் நடவடிக்கைகள் மகாந்தரை மிகவும் கோபப்படுத்தியதால், அவர் மீது உடல் ரீதியான தாக்குதல்களுக்குக் கூட உத்தரவிட்டார்.  

11).1875 ஆம் ஆண்டில் ஜே.டி.பெக்லரின் கீழ் இரண்டு பிரிட்டிஷ் மிஷன்கள் அகழ்வாராய்ச்சிகளை நடத்தி விகாரை மீட்டெடுத்தன.

 

12). இப்பகுதியில் இந்துக்கள் பெரும்பான்மையாக இருந்ததாலும், அந்த நேரத்தில் உள்ளூர் பௌத்தர்கள் யாரும் இல்லாததால், கோயில் பிராமண பூசாரிகளின் கைகளுக்குச் சென்றது. இதைத் தடுக்க ஆங்கிலேயர்கள் எதுவும் செய்யவில்லை, ஏனெனில் அவர்களுக்கு இந்துக்களின் ஆதரவு தேவைப்பட்டது.

 

13).சுதந்திரத்திற்கான தேசிய இயக்கத்தின் போது, எம்.கே. காந்தி, ஜவஹர்லால் நேரு, ராஜேந்திர பிரசாத் மற்றும் இந்திய தேசிய காங்கிரஸ், 1922இல் நடைபெற்ற கட்சியின் கயா மாநாட்டில், மகாபோதி பௌத்தர்களுக்கு என்று உறுதியளித்தனர். சுதந்திரம் அடைந்த பிறகும், இந்த வாக்குறுதி நிறைவேற்றப்படவில்லை.

 

14).மகாபோதி விகார் வரலாற்று மற்றும் கலாச்சார முக்கியத்துவத்தைக் கருத்தில் கொண்டு, யுனெஸ்கோவின் உலக பாரம்பரியக் குழு ஜூன் 2002 இல் இதை உலக பாரம்பரியக் களமாக அறிவித்தது. இந்தக் குழு இந்தக் விகாரை 'மிகவும் முக்கியத்துவம் வாய்ந்ததாகவும், இந்தியத் துணைக் கண்டத்தில் இருந்த ஆரம்பகால விகாரை கட்டுமானங்களில் ஒன்றாகவும்' குறிப்பிட்டது. மகாபோதி விகாரையின் கட்டுப்பாடு மற்றும் மேலாண்மைக்காக பௌத்தர்களுக்கும் இந்து பேரினவாதிகளுக்கும் இடையே நிலவும் சர்ச்சை மற்றும் பதற்றத்தை யுனெஸ்கோ அங்கீகரிக்கவில்லை.

02.புத்த கயா கோயில் சட்டம் (BGT) 1949

01).புத்த கயா கோயில் மற்றும் அதன் சொத்துக்களை சிறப்பாக நிர்வகிக்கும் நோக்கத்துடன் பீகார் மாநில சட்டமன்றம் BGT (Buddha Gaya Temple Act) சட்டத்தை இயற்றியது. இது ஜூலை 6, 1949 அன்று நடைமுறைக்கு வந்தது.  

02). BGT சட்டத்தின் கீழ் ஒன்பது உறுப்பினர்களைக் கொண்ட கோயில் நிர்வாகக் குழுவை அமைக்கிறது. இதில் ஒரு தலைவர், நான்கு பௌத்தர்கள் மற்றும் நான்கு இந்துக்கள். இதில் தலைவர் ஒரு இந்துவாக இருக்க வேண்டும்.  

03).BGT சட்டத்தின் இந்த விதி இந்துக்களுக்கு ஆதரவானது .இந்து மட்டுமே குழுவின் தலைவராக இருக்க வேண்டும் என்பது கட்டாயம். புத்த விகார் இந்து உறுப்பினர்களால் கட்டுப்படுத்தப்படுகிறது. இதன் விளைவாக புத்த உறுப்பினர்கள் இந்து உறுப்பினர்களின் முடிவுகளைப் பின்பற்ற வேண்டும்.

04).குழுவின் உறுப்பினர்களின் பதவிக்காலம் மூன்று ஆண்டுகள். கூட்டத்தில் முடிவுகளை எடுப்பதற்கு, குழுவின் குறைந்தபட்ச உறுப்பினர்களின் எண்ணிக்கை கோரம் (Quorum) நான்கு உறுப்பினர்கள். இதனால் புத்த உறுப்பினர்கள் அனுமதியின்றி முடிவுகள் எடுக்கலாம்.  

05.BGT சட்டம் கூறுகிறது, தற்போதைக்கு கோவிலையோ அல்லது கோவில் நிலத்தையோ பயன்படுத்தும் விதம் தொடர்பாக இந்துக்களுக்கும் பௌத்தர்களுக்கும் இடையே ஏதேனும் தகராறு ஏற்பட்டால், மாநில அரசின் முடிவே இறுதியானது .

03.BGT நீதித்துறையின் அதிகாரத்தை பறிக்கிறது. 

01.இந்திய அரசியலமைப்பின் பிரிவு 12இன் படி, அது 'அரசு' என்ற வரையறையின் கீழ் வரலாம். அரசின் எந்தவொரு நடவடிக்கையும் நாட்டின் உயர் நீதித்துறையால் நீதித்துறை மறுஆய்வுக்கு உட்பட்டது என்பது அரசியலமைப்புச் சட்டத்தின் நன்கு தீர்மானிக்கப்பட்ட ஒரு முன்மொழிவாகும். இந்த விதியும், குழுவின் நிர்வாக நடவடிக்கைகளின் அரசியலமைப்புச் சட்டம் மற்றும் சட்டப்பூர்வத்தன்மையை மறுஆய்வு செய்யும் நீதித்துறையின் அதிகாரத்தை பறிக்கிறது.

02.இந்த இந்து, மகாபோதி கோயில் மற்றும் அதன் சொத்துக்களின் விவகாரங்களை தீர்மானிக்க முடியும். ஆனால் மகாபோதி கோயிலின் வளாகத்திற்குள் இருக்கும் இந்து மடத்தின் விவகாரங்களில் தலையிட எந்த பௌத்த உறுப்பினருக்கும் எந்த உரிமையும் இல்லை.         

04.BGT அடிப்படை உரிமைகளை மீறுகிறது 

01.இந்த BGT சட்டம், மதச்சார்பின்மை கொள்கைகள் மற்றும் நீதித்துறை மறுஆய்வு அதிகாரத்தையும், அரசியலமைப்பின் கீழ் கருதப்படும் மத சிறுபான்மையினரின் அடிப்படை உரிமைகளையும் மீறுவதால், அரசியலமைப்புச் சோதனையில் தோல்வியடைகிறது.

02.முன்பு நடைமுறையில் இருந்த சட்டங்களின் நோக்கத்தை வரையறுக்கும் அரசியலமைப்பின் 13வது பிரிவின்படி, BGT சட்டம் உடனடியாக செல்லாததாக இருந்திருக்க வேண்டும். அரசியலமைப்புச் சட்டம் தொடங்குவதற்கு முன்பு இந்தியாவின் பிரதேசத்தில் நடைமுறையில் இருந்த அனைத்து சட்டங்களும் அடிப்படை உரிமைகளின் விதிகளுடன் முரண்படும் அளவிற்கு செல்லாது என்று அரசியலமைப்பு அறிவிக்கிறது. 

03.BGT சட்டத்தின் பல்வேறு விதிகள் அரசியலமைப்புச் சட்டம் பிரிவு 14இன் அர்த்தத்திற்கு முரணாகத் தெரிகிறது. புத்தகயா விகார் மேலாண்மைக் குழுவில் இந்து உறுப்பினர்களின் ஆதிக்கம் மதச்சார்பற்ற கொள்கைகள் மற்றும் அரசியலமைப்பின் அடிப்படை விதிகளை மீறுகிறது.

04.BGT சட்டம் மற்ற ஒத்த சட்டங்களுடன் முரண்படுகிறது. பல இந்து கோயில்களுக்கான சட்டங்கள், இந்துக்கள் மட்டுமே தங்கள் நிர்வாகக் குழுக்களில் ஒரு பகுதியாக இருக்க வேண்டியதன் அவசியத்தை குறிப்பிடுகின்றன.

உதாரணமாக 1955 ஆம் ஆண்டு ஸ்ரீ ஜகன்னாதர் கோயில் சட்டம்

*பிரிவு 5 மற்றும் 6 குழுவில் உறுப்பினராக இருப்பதற்கான தகுதியான அளவுகோல் இந்து மதத்தைப் பின்பற்றுபவராக இருக்கவேண்டும்.  

*பிரிவு 6(2) இந்து மதத்தைச் சேராத எந்தவொரு நபரும் ஜகன்னாதர் கோயில் மேலாண்மைக் குழுவில் உறுப்பினராகத் தகுதி பெற முடியாது என்று கூறுகிறது. 

*பிரிவு 6 மாவட்ட ஆட்சியர் இந்து மதத்தைச் சேராதவர் என்றால், ஒரு கூடுதல் பதவிக்குக் குறையாத இந்த மதத்தைச் சேர்ந்த மாநில அரசு அதிகாரி மாவட்ட நீதிபதி இந்தக் குழுவின் உறுப்பினராகவும் துணைத் தலைவராகவும் இருப்பார். இந்த விதி புத்தகயா சட்டத்துடன் தெளிவான வேறுபாட்டைக் காட்டுகிறது. 

உதாரணமாக ஸ்ரீ சன்வாலியாஜே கோயில் சட்டம் 1992

*பிரிவு 6 இந்த கோயிலின் நிர்வாகக் குழுவின் உறுப்பினர் மற்றும் தலைமைப் பதவியை இந்துக்களுக்கு மட்டுமே கட்டுப்படுத்துகிறது .

05.பௌத்தர்களின் அடையாளத்தை இந்துமயமாக்குகிறது

01.BGT சட்டம் இந்துகள் பௌத்தர்களுக்கு ஆணையிடவும், அதன் நிதி விவகாரங்களை கட்டுப்படுத்தவும், தொடரவும் அதிகாரம் அளித்திருக்கிறது.

02.மகாபோதி கோயில் வளாகத்திற்குள் ஏற்கனவே ஒரு சிறிய சிவாலயம் சட்டவிரோதமாகக் கட்டப்பட்டது. ஒரு சிவலிங்கம் உட்பட சில இந்து கடவுள்களின் சிலைகளை நிறுவியுள்ளனர். மகாபோதிக்குள் அனைத்து வகையான இந்து சடங்குகளும் சடங்குகளும் பின்பற்றப்படுகின்றன.

04. பிக்கு பதந்த் ஆர்ய நாகார்ஜுனா ஷுரேய் மகாபோதியில் இருந்த சில புத்தர் சிலைகளை அசுத்தப்படுத்தியதற்கும் கொள்ளையடித்ததற்கும் இந்து பூசாரிகள் பொறுப்பு என்றார். கோயிலில் இருந்து விலைமதிப்பற்ற கலைப்பொருட்கள் திருடப்பட்டுள்ளன.

முஸ்லிம்கள், கிறிஸ்தவர்கள், இந்துக்கள், யூதர்கள் மற்றும் சீக்கியர்களுக்கான மிகவும் புனிதமான இடங்கள் முழுமையாக அவர்களின் சொந்த மதத் தலைவர்களால் நிர்வகிக்கப்படுகின்றன, ஆனால் பௌத்தர்களுக்கு மட்டுமே இந்த உரிமை மறுக்கப்படுகிறது. இந்திய அரசியலமைப்பு மத சிறுபான்மையினரின் உரிமைகளை உத்தரவாதம் செய்து பாதுகாப்பதால், BGT ரத்து செய்யப்பட வேண்டும்.

அயோத்தி அகழாய்வும் பௌத்தர்களின் உரிமைகோரலும்

இந்துக்களின் நம்பிக்கையும் குற்றச்சாட்டும்

உத்தரப் பிரதேச மாநிலத்தில் (UP) அயோத்தியில் உள்ள இராம ஜென்ம பூமி தான் இராமன் பிறந்த இடம் என்பது இந்துக்களின் நம்பிக்கை. இராமன் என்பவன் புராணத்தில் வருபவன் வரலாற்றில் இல்லை. முகலாயப் பேரரசர் பாபர் ஆட்சியின் போது அவரது படைதலைவர் மீர் கான் இராம ஜென்ம பூமியில் இருந்த இராமர் கோயிலை இடித்து அதன் மீது பாபர் மசூதி கட்டினார் என்பது இந்துக்களின் குற்றச்சாட்டாகும்.

பாபர் மசூதியை இடிப்பு

6 டிசம்பர் 1992 (பாபா சாகிப் நினைவு தினம்) அன்று VHP மற்றும் BJP 1,50,000 பேரை உள்ளடக்கி ஒரு பேரணியை ஏற்பாடு செய்து வன்முறையாக மாற்றி பாபர் மசூதியை இடித்தது. இது மதவெறி காரணமாக வேண்டுமென்று நிகழ்த்தப்பட்ட வன்முறை. பாபர் மசூதி இடிக்கப்படும் முன் வரை மிக முக்கியமான மசூதியாக இருந்தது. 

 

பத்து ஆண்டுகள் கழித்து 2003-ஆம் ஆண்டில் ராம ஜென்ம பூமி பாபர் மசூதி இடிப்பு வழக்கில், (Allahabad High Court) அலகாபாத் உயர் நீதிமன்றத்தின் லக்னோ அமர்வின் பரிந்துரையின் படி இந்தியத் தொல்லியல் ஆய்வகம் அயோத்தில் உள்ள பாபர் மசூதி வளாகத்தில் அகழாய்வுகள் மேற்கொண்டது. 

அயோத்தியில் அகழாய்வுகள்:

அயோத்தியில் மொத்தம் நான்கு முறை அகழாய்வுகள் நடைபெற்றுள்ளது. லக்னோ நீதிமன்றத்தின் படி ஐந்தாவது அகழாய்வு நடைபெற்றுது. 

• முதல் அகழ்வாய்வு 1862-63
• இரண்டாவது அகழ்வாய்வு 1889-91
• மூன்றாவது அகழ்வாய்வு 1969-70
• நான்காவது அகழ்வாய்வு 1975-76
• ஐந்தாவது அகழ்வாய்வு 2003

முதல் அகழ்வாய்வு 1862-63 அலெக்சாண்டர் கன்னிங்காம்

இந்தியத் தொல்லியல் ஆய்வகத்தை நிறுவிய அலெக்சாண்டர் கன்னிங்காம் 1862-63ஆம் ஆண்டுகளில் அயோத்தியில் முதல் அகழ்வாய்வு ஆய்வு செய்தார்.

• 
  அயோத்தி நகரம் குறித்து பழம்பெரும் நூல்களைக் கொண்டு ஆய்வு செய்தார். அயோத்தியில் 1000 ஆண்டுகள் பழமையான கட்டிடங்கள் காணப்படவில்லை என்றார். அயோத்தி நகரத்தை தொன்ம நூல்களில் சாகேதம் என்று குறிப்பிட்டுள்ளனர். கௌதம புத்தர் தான் அயோத்தி நகரத்தில் 6 மாதங்கள் கழித்ததாகக் கூறுகிறார். விசாகா, சாகேதா மற்றும் அயோத்தி நகரங்கள் ஒன்றே என்றும் அவர் முடிவு செய்தார்
  

இரண்டாவது அகழ்வாய்வு 1889-91 அலோயிஸ் அன்டன் ஃபூரர்

ஜெர்மனிய இந்தியவியல் அறிஞர் அலோயிஸ் அன்டன் ஃபூரர் (Alois Anton Führer) அகழாய்வு 1889-91ஆம் ஆண்டுகளில் மேற்கொண்டார்.

அயோத்தி நகரத்தின் தெற்குப் பகுதியில் மணி பர்பத் (Mani Parbat), குபேர் பர்பத் (Kuber Parbat) மற்றும் சுக்ரிவ் பர்பத் (Sugriv Parbat) ஆகிய மூன்று பண்டைய குன்றுப் பகுதிகள் கண்டுபிடித்தனர். தில்லி சுல்தான்கள், முகலாயர்கள் காலத்தில் அயோத்தியில் இருந்த இந்து, சமண, பௌத்த கட்டிட அமைப்புகளை தகர்த்தனர். அயோத்தியில் தற்போது உள்ள இந்து, சமண கட்டிட அமைப்புகள் 1781-ஆம் ஆண்டுக்கு பிந்தையவைகளே.  

 

பாபர் ஆட்சியின் போது அவரது படைத்தலைவர் மீர் கான் என்பவர், அயோத்தியில் உள்ள ராம ஜென்மபூமி கோயில் நிலத்தில் 1523-ஆம் ஆண்டில் பாபர் மசூதி நிறுவினார். அதற்கு ஆதரவாக இடிக்கப்பட்ட இராம ஜென்மபூமி கோயிலின் கருங்கல் தூண்கள் பாபர் மசூதி கொண்டிருந்தது. அவுரங்கசீப் ஆட்சிக் காலத்தில் அயோத்தியின் சொர்க்க துவாரம் மற்றும் திரேதா கே தாக்கூர் பகுதியில் உள்ள கோயில்களை இடித்து புதிய மசூதிகளை கட்டினார்.

 

மூன்றாவது அகழ்வாய்வு 1969-70

1969-70 ஆம் ஆண்டுகளில் பனாரஸ் இந்துப் பல்கழகத்தின் பேராரசிரியர் அவத் கிஷோர் நரேன் அயோத்தியில் அகழாய்வுப் பணிகள் மேற்கொண்டனர். அகழாய்வின் முடிவில் கி.மு 17-ஆம் நூற்றாண்டிற்கு முன்னர் நிறுவப்பட்ட அயோத்தி நகரத்தில், பௌத்த பிக்குகள் வாழ்ந்ததாக கூறுகிறார்

.

நான்காவது அகழ்வாய்வு 1975-76 பிரஜ் பாசி லால்

இந்தியத் தொல்லியல் ஆய்வகத்தின் தொல்லியல் அறிஞர் பிரஜ் பாசி லால் தலைமையிலான குழுவினர் அகழாய்வுப் பணிகள் 1975-76 ஆம் ஆண்டுகளில் மேற்கொண்டனர்.

இராம ஜென்மபூமி எனக்கருதப்பட்ட பாபர் மசூதி வளாகம், சிரிங்கிபேர புரம், நந்தி கிராமம், பரத்துவாஜர் ஆசிரமம், சித்திர கூடம் போன்ற 14 இராமாயண நிகழிடங்களில் அகழாய்வுப் பணிகள் மேற்கொண்டனர். நான்காவது அகழ்வாய்வு அறிக்கை வெளியிடப்படவில்லை. அயோத்தியின் அகழாய்வின் போது சமணத் துறவியின் சுடுமண் சிற்பம். கண்டுபிடித்தார்.

வெறிச்செயலுக்கு காரணமாக இருந்தது பி.பா.லால் எழுதிய நூல்கள்.

01.இந்தியத் தொல்லியல் துறையிலிருந்து பணி ஓய்வு பெற்ற தொல்லியல் ஆய்வாளர் பி.பா.லால், 1990-இல் ராஷ்டிரிய சுயம்சேவாக் சங்கம் இதழில், பாபர் மசூதியின் கீழ் ஒரு பத்தியில் தான் ஒரு இந்துக் கோவிலின் எச்சங்களைக் கண்டுபிடித்ததாக எழுதினார்.

02.பி.பா.லால் 2008-ஆம் ஆண்டில் எழுதிய நூலில் இராமர், அவரது வரலாறு, ராம ஜென்மபூமி கோயில் மற்றும் இராமாயணம், தொல்லியல் மற்றும் பிற அறிவியல் சான்றுகள் குறித்து எழுதினார்.

பாபர் மசூதியின் தூண்களுடன் இணைக்கப்பட்ட பன்னிரண்டு கல் தூண்கள் இருந்தன. அவைகள் வழக்கமான இந்து சமய தெய்வங்களின் உருவங்கள் மற்றும் வார்ப்புருக்கள் கொண்டிருந்தன எனக்குறிப்பிட்டார். இந்தத் தூண்கள் பாபர் மசூதியின் ஒருங்கிணைந்த பகுதி அல்ல என்றும், ஆனால் அதற்கு வேறானவை என்பது சுயமாகத் தெரிகிறது என்றார்.

ஐந்தாவது (இறுதி) அகழ்வாய்வு 2003

2003ஆம் ஆண்டில் ஐந்தாவது அகழ்வாய்வு அலகாபாத் உயர் நீதிமன்றத்தின் உத்தரவின் படி இந்தியத் தொல்லியல் ஆய்வகம் இறுதி அகழ்வாய்வு மேற்கொண்டது. இந்த அகழாய்வில் தொல்லியல் ஆய்வாளர்கள், 29 இசுலாமியர்கள் உள்ளிட்ட 131 நபர்கள் கலந்து கொண்டனர். அகழாய்வில் கண்டெடுக்கப்பட்ட தொல்பொருட்கள் குறித்த 574 பக்க அறிக்கை அலகாபாத் உயர் நீதிமன்றத்தில் சமர்ப்பிக்கப்பட்டது.

ரேடார் ஆய்வுகள் சனவரி 2003-இல் இடிக்கப்பட்ட பாபர் மசூதியின் வளாகத்தின் தரையடியில் உள்ளதை கண்டுபிடிக்கும் ரேடார் கருவியைக் கொண்டு பரிசோதனை செய்தனர். இடிக்கப்பட்ட பாபர் மசூதியின் கீழ் 0.5 முதல் 5.5 மீட்டர் ஆழத்தில் கட்டிட அமைப்புகளான தூண்கள், அடித்தள சுவர்கள், தரையமைப்பு போன்ற பழங்கால மற்றும் சமகால கட்டமைப்புகளுடன் தொடர்பு உடையவைகள் கண்டுபிடிக்கப்பட்டது.  

 

இந்தியத் தொல்லியல் துறை 22 மே முதல் 6 சூன் 2003 முடிய அகழாய்வு செய்த போது கண்டுபிடித்த தொல்லியல் எச்சங்கள் குறித்த அறிக்கையில் பட்டியலிடப்பட்டுள்ள கட்டமைப்புகளில் கிழக்கு-மேற்கு திசை மற்றும் வடக்கு-தெற்கு திசைகளில் பல செங்கல் சுவர்கள், உடைந்த சிற்பங்கள் 'அலங்கரிக்கப்பட்ட வண்ணத் தரைத் தளம்', பல 'தூண் தளங்கள்' மற்றும் '1.64 மீட்டர் உயரத்தில் அலங்கரிக்கப்பட்ட உடைந்த கருங்கல் தூண்கள் ஆகியவை அடங்கும். தூண்களின் நான்கு மூலைகளிலும் அரபு மொழியில் குரான் வசனங்கள் செதுக்கப்பட்டிருந்தது.

ஐந்தாவது அகழாய்வு நடைபெறுவதற்கு முன் பீம் படை ரிட் மனு ஒன்றை தாக்கல் செய்தது, வினீத் குமார் மௌரியா ஒரு மனு தாக்கல் செய்தார். ஐந்தாவது அகழாய்வு முடிந்த பிறகு கர்நாடக புத்த சங்கம் (KBS) குடியரசுத் தலைவருக்கு ஒரு கடிதம் அனுப்பியது.

பீம் படை ரிட் மனு தாக்கல் (நவம்பர் 2018)

01. (Bhim Army) பீம் படை தலைவர் சந்திரசேகர் ஆசாத், பண்டைய காலங்களில், அயோத்தி புத்த மதத்தின் மையமாக இருந்தது, அது சாகேத் என்று அழைக்கப்பட்டது. அயோத்தியை சாகேத் என்று மறுபெயரிட வேண்டும் என்று  உச்ச நீதிமன்றத்தில் ஒரு ரிட் மனு தாக்கல் செய்தார்.

02.சந்திரசேகர் ஆசாத் பீம் ஆர்மி, பவுத் தம்ம சேனா மற்றும் தொடர்புடைய குழுக்கள் அகழ்வாராய்ச்சியின் போது கண்டுபிடிக்கப்பட்ட எச்சங்கள் புத்த கலாச்சாரத்தைச் சேர்ந்தவை எனவே அந்த இடத்தில் ஒரு புத்த விகாரை கட்ட வேண்டும் என்று கோரினர்.

03.அகழ்வாராய்ச்சியில் உச்ச நீதிமன்றமும் யுனெஸ்கோவும் தலையிட வேண்டும் என்று கோரின.

 

வினீத் குமார் மௌரியா மனு (டிசம்பர் 2018)

இதுவரை, அயோத்தியில் சர்ச்சைக்குரிய நிலத்திற்கு இரண்டு உரிமைகோரல்கள் இருந்தன. ஒருவர் அங்கு ஒரு கோயில் கட்ட வேண்டும் என்றும், மற்றவர் ஒரு மசூதி கட்டப்பட வேண்டும் என்றும் கூறுகிறார். மூன்றாவது உரிமைகோரல் அயோத்தியில் உள்ள பவாரி மசூதிக்கு அருகிலுள்ள உள்ளூர்வாசியான வினீத் குமார் மௌரியா அயோத்தியில் உள்ள ராமர் கோவிலை புத்த விஹாராக அறிவிக்கக் கோரிய மனுவை தாக்கல் செய்தார். அவர் அந்த இடத்தில் ஒரு புத்தர் நினைவுச்சின்னம் கட்டப்பட வேண்டும் என்றும் விரும்புகிறார். உச்ச நீதிமன்றம் இந்த மனுவை ஏற்றுக்கொண்டுள்ளது, மேலும் ஜனவரி 3, 2019 முதல் அயோத்தி வழக்கை நீதிமன்றம் எடுத்துக்கொள்ளும்போது அது பரிசீலிக்கப்படும் என்றது. 

 

01. உறுதியான அறிவியல் சான்றாக வினீத், கடந்த 160 ஆண்டுகளில் 4 அகழ்வாராய்ச்சிகளில் கிடைத்த பொருள் ஆதாரங்களின் உரை, புகைப்படங்கள், ஓவியங்கள் போன்றவற்றைக் கொண்ட ASI (இந்திய தொல்பொருள் ஆய்வு மையம்) அறிக்கையின் 600 பக்கங்களை SC-யிடம் சமர்ப்பித்துள்ளார்.   

 

02.சாகேத்தில் (அயோத்தி) இந்து மதத்திற்கான எந்த ஆதாரமும் கிடைக்கவில்லை.

03. முகலாய மன்னர் பாபர் உஸ்பெகிஸ்தானில் கி.பி 1483 இல் பிறப்பதற்கு வெறும் 300 ஆண்டுகளுக்கு முன்பு, நாளந்தா பல்கலைக்கழகம் எரிக்கப்பட்டு, அழிக்கப்பட்டு மண்ணில் புதைக்கப்பட்ட அதே ஆண்டில், பவாரி மசூதி கி.பி 1193 இல் கட்டப்பட்டது.  

 

04.பௌத்தர்களின் கலைப்பொருட்கள் அந்த இடத்திலிருந்து மீட்கப்பட்டது, பண்டைய நினைவுச்சின்னங்கள் மற்றும் தொல்பொருள் தளங்கள் மற்றும் எச்சங்கள் அந்த நிலத்தை தேசிய முக்கியத்துவம் வாய்ந்த தொல்பொருள் தளமாக அறிவிக்க வேண்டும் என்று வாதிட்டார்.  

 

05.2010 ஆம் ஆண்டில், புத்த எச்சங்கள் கண்டுபிடிக்கப்பட்டதாக உயர் நீதிமன்றத்தில் துறை ஒப்புக்கொண்டது, ஆனால் அது அமைதியையும் அமைதியையும் சீர்குலைக்கும் என்ற சாக்கில் இது பகிரங்கப்படுத்தப்படவில்லை.

இந்திய தலைமை நீதிபதி டி.ஒய்.சந்திரசூட் மற்றும் நீதிபதி பி.எஸ். நரசிம்ஹா ஆகியோர் அடங்கிய அமர்வு, அயோத்தி விவகாரம் நீண்ட காலத்திற்கு முன்பே கையாளப்பட்டு வருவதாகவும், மௌரியா மனுவை வாபஸ் பெற வேண்டும் என்றும், இல்லையெனில் பெஞ்ச் அதை தள்ளுபடி செய்ய வேண்டியிருக்கும் என்றும் கூறியது. வேறு வழியில்லாமல், மௌர்யா பின்னர் மனுவை வாபஸ் பெற்றார்.

 

கர்நாடக புத்த சங்கம் (KBS) குடியரசுத் தலைவருக்கு ஒரு கடிதம் (ஜூன் 2020)

அயோத்தி ராமர் கோயில் விவகாரத்தில் நவம்பர் 9, 2019 அன்று உச்ச நீதிமன்றம் தீர்ப்பை வழங்கியது. ராமர் கோயில் கட்டுவதற்கு ஆதரவாக ஐந்து நீதிபதிகள் கொண்ட அமர்வு ஒருமனதாக தீர்ப்பளித்தது. அதே நேரத்தில் மசூதிக்கு தனி 5 ஏக்கர் நிலம் ஒதுக்க உத்தரவிட்டது. 

 

அதன் பிறகு HR மகேஷ் தலைமையிலான (The Karnataka Buddhist Society (KBS)) கர்நாடக புத்த சங்கம், அயோத்தியில் உள்ள ராமர் மந்திர் தளத்தை புத்த தொல்பொருள் தளமாக அறிவிக்க வேண்டும் என்று  கோரியது. இந்தப் பிரச்சினை தொடர்பாக கர்நாடக ஆளுநர் மூலம் இந்தியக் குடியரசுத் தலைவருக்கு KBS ஒரு கடிதம் அனுப்பியது.

01.ஐந்தாம் நூற்றாண்டின் முற்பகுதியில் சீனப் பயணி ஃபா-ஹியன் (Fa-Hien) இந்தியாவுக்கு வருகை தந்து அயோத்தியில் நூற்றுக்கணக்கான புத்த மடங்கள் இருந்ததை ஆவணப்படுத்தியதாக சுட்டிக்காட்டியது.

02.ஏழாம் நூற்றாண்டில் இந்தப் பகுதிக்குச் சென்ற மற்றொரு சீனப் பயணியான ஹியூன் சுவாங் (Hiuen Tsang) இந்தப் பகுதியில் ஆயிரம் புத்த மடாலயங்கள் இருந்ததை ஆவணப்படுத்தியதாக சுட்டிக்காட்டியது. 

 

03.1862–63ஆம் ஆண்டு அலெக்சாண்டர் கன்னிங்ஹாம் மேற்கொண்ட கணக்கெடுப்பையும், அந்தப் பகுதியை ஒரு பௌத்த தளமாக அடையாளம் கண்டதாகவும் சுட்டிக்காட்டியது.

04.தம்ம சக்கரங்கள் மற்றும் ஸ்தூபிகள் உள்ளிட்ட பௌத்த சிற்பங்கள் மற்றும் கலைப்பொருட்கள் கண்டுபிடிக்கப்பட்டதை மேற்கோள் காட்டி. கோயில் கட்டுமானத்தை நிறுத்த வேண்டும் 

என்று கோரினர்.

 

05. யுனெஸ்கோ அல்லது இந்திய தொல்பொருள் ஆய்வு மையம் (ASI) அந்த இடத்தை ஆராய்ந்து கண்டுபிடிப்புகளை பகிரங்கப்படுத்த வேண்டும் என்றும் அவர்கள் கோரினர்.

 

-தொடரும்-

நெற்குன்றம் புத்தர்

அமைவிடம்:

ஸ்ரீ ஆத்ம லிங்கேஸ்வரர் சிவன் கோவில்,

தயாசதன் சாலை, செந்தமிழ் நகர்

நெற்குன்றம், கோயம்பேடு, 

மதுரவாயல் வட்டம்

திருவள்ளுவர் மாவட்டம்

இந்த கோயில் கோயம்பேடு மெட்ரோ நிலையத்திலிருந்து 900 மீட்டர் தொலைவில் உள்ளது. கோயிலின் கருவறையின் பக்கச் சுவரில் நிறுவப்பட்டுள்ளது.

சிலையமைப்பு:  

ஞான முடி (உஷ்ணீஷா) தலையின் மேல் சிறிதாக உள்ளது. அரை தோரணம், அசோக கொடிகளும் மேலே உள்ளது, இடது தோளில் சீவர ஆடை மங்கலாகத் தெரிகிறது. .நெற்றி திலகம் உள்ளது. நீண்ட காது, தியான முத்திரை, அரை தாமரை அமர்வு, பீடத்தின் அடிவாரத்தில் ஒரு தர்ம சக்கரமும் மங்கலாகத் தெரியுகிறது. 

காணாமல் போன புத்தர் சிலை

கரோண காலத்தில் பதிவிட்டு இருந்தார் ஐயா வேலுதரன். சிலை பாதுகாப்பாக இல்லை. பார்க்க விரும்புபவர் உடனடியா பார்க்கவ வேண்டி பதிவிட்டு இருந்தார். மிக காலா தாமதமாக நேற்று தான் அவர் வலைப்பதில் நெற்குன்றம் புத்தரை கண்டேன். இன்று மலை (01/10/2025) சென்று அந்த கோவில் (ஜீவா சமாதி) பார்த்து புத்தர் சிலை இல்லாதது கண்டு வருந்தினேன். அங்கு பணியாற்றிய நபரை விசாரித்தேன். புத்தர் சிலை எடுத்து செல்லப்பட்டது யார் எங்கே என்றெல்லாம் தெரியாது என்றுரைத்தார் .     

 நன்றி: வேலுதாரன் - வலைப்பதிவு

Buddha idol / sculpture, Sri Athmalingeswarar Temple, Nerkundram, Chennai District, Tamil Nadu.

மாலுமியர் பேட்டை - கடலூர் - புத்தர்

அமைவிடம்:

மாலுமியர் பேட்டை, கடலூர் துறைமுகம், கடலூர் மாவட்டம். இது கடலூர் நகராட்சியின் ஒரு பகுதியாகவும் உள்ளது. இந்தப் பகுதியில் நகராட்சி துவக்கப்பள்ளி ஒன்றும் உள்ளது மற்றும் காளியம்மன் கோயில் ஒன்றும் அமைந்துள்ளன. பழைய கடலூர் நகரம் (Cuddalore old town)க்கும் கடலூர் புதிய துறைமுகம் இரண்டுக்கும் இடையில் அமைந்துள்ளது.

சிலையமைப்பு

தலைப்பகுதி மட்டுமே கிடைத்துள்ளது. முடியலங்காரம்- நத்தையின் சுருள் போன்று அடர்ந்த சுருண்ட கேசங்கள் வலது பக்கம் திரும்பியுள்ளது. இந்த சுருள் மூன்று சுற்றுக்களை கொண்டது. ஞான முடி - பகவான் புத்தரின் ஞானத்தை குறிக்கும் சின்னம் ஞான முடி. அது அவரது தலையில் சற்று புடைப்பாக இருக்கும். இது இரு வகைகளை கொண்டது. 1 முடிபோன்று 2 தீபிழம்பு போன்று. இச்சிலையில் தீப்பிழம்பாக ஐந்து சுவாலை உடன் உள்ளது. 

புருவங்களின் மத்தியில் ஒரு வெள்ளை முடியுள்ளது. இது இரு வகைகளை கொண்டது.

1 திலகம்

2 வெள்ளைமுடி.

 

இச்சிலையில் வெள்ளை முடி நெற்றியின் மேலிருந்து கீழ் நோக்கி வந்து ஒரு வெள்ளை முடியுள்ளது. இச்சிலையில் வெள்ளை முடி மிகஅழகாக முடியமைக்கப்பட்டுள்ளது. வெள்ளை முடி தொன்மையான புத்தர் சிலைகளில் காணலாம். பெரும்பாலும் திலகம் வடிவத்துடன் நாம் பார்த்து இருப்போம். நீண்ட காது, கண்கள் சிதைந்துள்ளது. 12 ஆம் நூற்றாண்டு.  பிற்கால சோழர் சிலை.

நன்றி: அருள் முத்துக்குமரன் (சிதம்பரம்) - பாபாசாகிப் மற்றும் பௌத்த சிந்தனையாளர் 

கோனார்க் சூரிய கோயில் பௌத்த தளம்

 

அமைவிடம்:

கோனார்க் சூரிய கோயில், 

கோனார்க் ஊர்,

பூரி மாவட்டம்,

ஒடிசா மாநிலம் 752111

பௌத்த அடையாளங்கள்

01. கருப்பு பகோடா (Black Pagoda) 

1676 ஆம் ஆண்டிலேயே ஐரோப்பியர்களால் இந்தக் கோயில் கருப்பு பகோடா (Black Pagoda) என்று அழைக்கப்பட்டது.  கோனார்க் கோயில் கருப்பு பகோடா எனவும் பூரி ஜெகந்நாதர் கோயில் வெள்ளை பகோடா எனவும் அழைக்கப்பட்டது. தமிழ் நாட்டிலுள்ள மகாபலிபுரம் ஏழு பகோடாகள் (Seven Pagoda) என ஐரோப்பிய ஆய்வாளர்களால் அழைக்கப்பட்டது.

ஜேம்ஸ் பெர்குசன் வரைந்த கோனார்க் படம்

பகோடா என்பது புத்த கட்டிட கலையை குறிப்பிடுவது. இந்த ஸ்தூபி குவிமாட வடிவ நினைவுச்சின்னமாகும். பகோடாக்கள் என்பது புத்த ஸ்தூபியிலிருந்து உருவான அடுக்கு கோபுரத்தின் பாணியாகும். இந்த வகை கட்டிடங்கள் நேபாளம், சீனா, ஜப்பான், கொரியா, வியட்நாம், மியான்மர், இந்தியா, இலங்கை மற்றும் ஆசியாவின் பிற பகுதிகளில் அதிகம் காணப்படுகின்றன. மேலும் அவை இந்தியா உட்பட புத்த மதம் செழித்து வளரும் நாடுகளில் காணப்படுகின்றன. விபாசனா தியான மையம், புத்த நினைவுச்சின்னங்கள் பகோடாகள் என்று அழைக்கப்படுகிறது. 

02. தம்ம சக்கரங்கள்

01.இந்தக் கோயிலின் அடிப்பகுதியில் மொத்தம் 24 சக்கரங்கள் உள்ளன. 24 சக்கரங்களில் 6 சக்கரங்கள் பிரதான கோனார்க் கோயிலின் இருபுறமும், 2 சக்கரங்கள் கிழக்கு முன்பக்கத்தின் இருபுறமும் 4 சக்கரங்கள் முன்கூட்ட மண்டபம் முகசாலாவின் இருபுறமும் உள்ளன. 

 

02.கோனார்க் தம்மசக்கரம் "வாழ்க்கைச் சக்கரம்" வாழ்க்கைச் சுழற்சியைக் குறிக்கின்றன. சக்கரங்களின் விளிம்புகள் பல்வேறு பறவைகள் மற்றும் விலங்குகளின் சித்தரிப்புகளுடன், இலை வடிவமைப்புகளுடன் நுணுக்கமாக செதுக்கப்பட்டுள்ளன. 

03.சக்கரங்களின் ஆரங்களில் உள்ள பதக்கங்கள் பல்வேறு போஸ்களில் பெண்களின் உருவங்களைக் காட்டுகின்றன, பெரும்பாலும் காம உணர்ச்சியைத் தூண்டும் சிற்றின்ப சிற்ப இயல்புடையவை. ஒடிசாவில் முக்கியமாகப் பின்பற்றப்பட்ட தாந்த்ரீக வழிபாட்டு முறையுடன் அவர்களை இணைக்கிறது

 03. மாயா தேவி கோயில் Maya Devi Temple

கோனார்க் கோயிலின் பின்புறத்தில் உள்ள ஒரு கோயில் மாயா தேவி கோயில். பகவான் புத்தரின் தாய் மகாமயா (அ) மாயா தேவி. இந்த கோயில் கோனார் விட பழமையானது. மாயாதேவி கோயில் 11ஆம் நூற்றாண்டில் கட்டப்பட்டது மாயாதேவி கோயில் 1900 மற்றும் 1910 க்கு இடையில் அகழ்வாராய்ச்சி முயற்சிகள் மூலம் பார்வைக்கு வந்தது. இதற்கு முன்பு, அது மணல் மற்றும் குப்பைகளின் அடுக்குகளுக்கு அடியில் மறைந்திருந்து, கண்ணுக்குத் தெரியாமல் கிடந்தது.

மாயாதேவி கோயிலுக்கும் கோனார்க் சூரிய கோயிலுக்கும் இடையிலான ஒப்பீடு.

01. ஒடிசாவின் கோனார்க்கில் அமைந்துள்ள மாயாதேவி கோயில் மற்றும் கோனார்க் சூரிய கோயில் இரண்டும் ஒரே வளாகத்தில் அமைந்துள்ள வரலாற்று தளங்களாகும்.

02. மாயாதேவி கோயில் கலிங்க கட்டிடக்கலையின் சிறப்பிற்கு ஒரு துடிப்பான சான்றாக உள்ளது.

04. கோனகமான புத்தர் (Konakamana Budda) 

கோனார்க்கிற்கு அருகிலுள்ள சிற்றுர் குருமா. கோனார்க்கிலிருந்து 6 கி.மீ தொலைவில் குருமா சிற்றுர் அமைந்துள்ளது. குருமாவில் உள்ள இடத்தின் சோதனை அகழ்வாராய்ச்சி 1974-75 ஆம் ஆண்டில் மாநில தொல்பொருள் துறையால் நடத்தப்பட்டது. இது இப்பகுதியில் பௌத்த வரலாற்றுக்கு அர்ப்பணிக்கப்பட்டுள்ளது. தொல்பொருள் தளத்தில் ஒரு கோனகமான புத்தர் கண்டுபிடிக்கப்பட்டுள்ளது. குருமா என்பது பௌத்த தளம்.

இங்கு கோனகமான புத்தர் குறுக்குக் கால்களுடன் அமர்ந்திருக்கிறார், வலதுகை பூமிஸ்பர்ச (நிலத்தை தொடும்) முத்திரை, இடது கை இடது முழங்காலுக்கு மேல் வைக்கப்பட்டுள்ளது. சிலையின் கழுத்தில் ஒரு அழகான அணிகலன் அலங்கரிக்கப்பட்டுள்ளது. இந்த சிலை இயற்கையிலேயே தனித்துவமான ஒரு அழகான கிரீடத்தை அணிந்துள்ளது. இவர் கௌதம புத்தரில்லை கோனகமான புத்தர். இருபத்தி மூன்றாவது புத்தர். 

அவலோகிதேஸ்வரர் சிலை தாமரை மலரில் அமர்ந்திருக்கிறது. பூவின் இதழ்கள் நன்றாக செதுக்கப்பட்டுள்ளன. தாமரை இருக்கை அல்லது பத்மாசனம் 10" உயரமுள்ள ஒரு கவசத்தின் மேல் உள்ளது. படத்தைக் கொண்ட கல் பலகையின் உயரம் 7' மற்றும் அதன் அகலம் 3' ஆகும்.

குருமாவுக்கு இரண்டு நூற்றாண்டுகளுக்குப் பிறகு கோனார்க் கட்டப்பட்டது என்பதைக் கவனத்தில் கொள்ள வேண்டும். கோனகமான புத்தர் = கோனார்க்

02. கோனார்க் கோயில் குப்பைகளின் குவியலாக இருந்தது

• 16 ஆம் நூற்றாண்டில் கோனார்க்கோயில் சிதிலமடைந்தது. கோயிலின் பல சிற்பங்கள் கொள்ளையடிக்கப்பட்டன.

• இந்த கோயிலின் அருண் ஸ்தம்பம் அல்லது பிரதான தூண் கி.பி 18 ஆம் ஆண்டில் மராட்டிய ஆட்சியாளர்களால் பூரி ஜெகந்நாதர் கோயிலுக்கு மாற்றப்பட்டது. 

• கி.பி1837 ஆம் ஆண்டில், ஜேம்ஸ் பெர்குசன் கோயிலுக்குச் சென்று கோனார்க் கோயிலின் வரைபடத்தை உருவாக்கினார். ஜேம்ஸ் பெர்குசன் கோனார்க் கோயிலை பார்வையிட்டபோது, பிரதான கோயில் குப்பைகளின் குவியலாக இருந்தது, அதில் இருந்து எந்த முக்கிய தெய்வமும் மீட்கப்படவில்லை.  

• 19 ஆம் நூற்றாண்டில், பிரிட்டிஷ் காலனித்துவ அரசாங்கம் கோயிலைப் பராமரிக்கும் பொறுப்பை ஏற்றுக்கொண்டது. சிற்பங்கள் மற்றும் சிற்பங்களைப் பாதுகாப்பதில் கவனம் செலுத்தின

பூரி ஜகன்னாதர் கோவில் பௌத்த விகார்

அமைவிடம் : 

பூரி ஜகன்னாதர் கோவில், பூரி கடற்கரை நகரம்,

பூரி மாவட்டம், ஒடிசா மாநிலம் 752001

 

ஜெகநாதர் என்பதன் பொருள் உலகநாதர். உலகநாதர் என்பது புத்தரின் பெயர். தேர் ஊர்வலம்/ திருவிழா என்பது பௌத்த பண்பாடு. பூரியில் ஊரே சேர்ந்து தேர் இழுக்கும். வைதிகம் சாதிகளை வைத்து கட்டப்பட்ட மதம், சகிப்பு தன்மையற்ற மதம் எப்படி அனைவரையும் ஒன்றிணைத்து தேர் இழுக்கும். வைதிக கோவில் சிலைகள் கணவன் மனைவியுடன் இருக்கும். ஆனால் பூரியில் அண்ணன் தங்கையுடன். நாம் காணும் பூரி ஜெகநாதர் கோவில் 12 நூற்றாண்டில் மறுசீரமைப்பு செய்பட்ட கோவில்.    

பண்டைய காலத்தில் பூரி என்ற இடம் தந்தபுரா என்று அழைக்கப்பட்டது. அதாவது புத்தரின் புனித பல் பாதுகாக்கப்பட்ட நகரம். ஜெகநாதரின் நாவி கமலத்தில் (தாமரை - தொப்புள் ) வைக்கப்பட்டுள்ள பிரம்ம புத்தரின் பல் தவிர வேறில்லை. எட்டாம் நூற்றைன்டில் பூரி தாந்திரிக வழிபாட்டியின் இடமாகவும், ஜெகநாதர் தாந்திரிக கடவுளாகவும் கருதப்பட்டது. வஜ்ராயன பௌத்தத்தில் வெள்ளை நிற பாலபத்ரர், கருப்பு நிற ஜெகநாதர், மஞ்சள் நிற சுபத்ரா கடவுளாகவும் கருதப்பட்டது. 

கருவரையில் பல மரத்தால் ஆனா சிலைகள் உள்ளது. மூலவர் சிலை முழுமையடையாமல் வைத்து இருக்கின்றனர். மூலவர் சிலை 12 ஆண்டுக்கு ஒருமுறை மறுஉருவாக்கம் செய்யப்படுகிறது.

பூரி ஜகன்னாதர் கோவில் பௌத்த விகார்

01. அறிஞர்கள் பார்வையில் பூரி ஜகன்னாதர் கோவில் : ஜெகந்நாதரின் பௌத்த வம்சாவளியை முதலில் இந்தியத் தொல்லியல் ஆய்வுகளின் தந்தை ஜெனரல் ஏ. கன்னிங்ஹாம் முன்வைத்தார். பின்னர் டபிள்யூ.டபிள்யூ. ஹண்டர் Sir William Wilson Hunter - Author of the Imperial Gazetteer of India), டபிள்யூ.ஜே. வில்கின்ஸ் W.J. Wilkins (19 th.Century Hindu mythologist), ஆர்.எல். மித்ரா , எச்.கே. மஹாதாப், எம். மான்சிங் , என்.கே. சாஹு போன்ற பல அறிஞர்கள் அவரைப் பின்பற்றினர்.

இலக்கிய மற்றும் தொல்பொருள் ஆதாரங்களின் அடிப்படையில், ஜகன்னாதர் வழிபாட்டு முறைக்கும் பௌத்த மதத்திற்கும் உள்ள ஒற்றுமையைக் காட்ட அறிஞர்கள் முயற்சி செய்துள்ளனர் . பகவன் ஜகன்னாதரின் பௌத்த தோற்றத்தை நியாயப்படுத்த அவர்கள் பின்வரும் வாதங்களை முன்வைத்துள்ளனர் . 

01.ஜகன்னாதரின் பெயர் பௌத்த வம்சாவளியைச் சேர்ந்தது: புத்த மத இலக்கியங்களில், பகவன் புத்தர் "நாத", "ஜகன்னாத", "லோகநாத", ஜீனா, புவனேஸ்வரா போன்ற பெயர்களால் அழைக்கப்படுகிறார். இவை திபெத்திய மூலங்களிலிருந்து அறியப்படுகின்றன. எனவே ஜகன்னாதரின் பெயர் பௌத்த வம்சாவளியைச் சேர்ந்தது. 

02. ஜகன்னாதர் கோவிலில் சாதி வேறுபாடுகள் இல்லை: சாதி வேறுபாடுகளை முதலில் நிராகரித்தது பௌத்தம் தான். அதேபோல் ஜகன்னாதர் கோவிலில் மகாபிரசாதம் எடுக்கும் போது சாதி வேறுபாடு இல்லை. இது புத்த மரபிலிருந்து வந்தது. 

03.மும்மூர்த்திகளின் பரிணாமம் திரி ரத்ன கோட்பாடு: ஜகந்நாதர், பாலபத்ரர் மற்றும் சுபத்ரா ஆகிய மும்மூர்த்திகளின் பரிணாமம், புத்தர், தம்மா மற்றும் சங்க ஆகிய பௌத்த தத்துவத்தின் திரி ரத்ன கோட்பாட்டிலிருந்து பெறப்பட்டதாக பௌத்த அறிஞர்கள் கூறுகின்றனர் . 

04.ஜெகநாதரின் தேர் திருவிழா: வரலாற்றாசிரியர்களால் நடத்தப்படும் மகாயான பௌத்த காலத்தின் (கோட்டானில் தோன்றிய பௌத்த தேர் திருவிழாவின் கொண்டாட்டம்) புத்த தத்துவத்தால் பெரும்பாலும் பாதிக்கப்பட்டிருக்கலாம். பௌத்தர்கள் மட்டுமல்ல, ஜைனர்களும் கூட தேர் திருவிழா தங்கள் வழிபாட்டு முறைகளை கண்டிப்பாக கடைப்பிடிப்பதைக் குறிக்கிறது என்று கூறுகின்றனர்.

05.பழைய பாலி இலக்கிய குறிப்பு: பழைய பாலி இலக்கியம் ஜகன்னாதரைப் பற்றிக் குறிப்பிடுகிறது. இந்திரபூதி தனது 'ஞான சித்தி'யில் புத்தரை ஜகந்நாதர் என்று குறிப்பிட்டுள்ளார்.  

06.முழுமையற்ற உருவம்:  போதகாயாவில் உள்ள புத்தரின் முழுமையற்ற உருவத்தைச் சுற்றி ஒரு புராணக்கதை உள்ளது, இது ஜகன்னாதரின் முழுமையற்ற உருவத்துடன் ஒற்றுமையைக் கொண்டுள்ளது. 

07.எல்லோரா புத்தர்: எல்லோராவில் உள்ள புத்தரின் சிலை ஜகன்னாதர் என்று அழைக்கப்படுகிறது. இது ஜகன்னாதரும் புத்தரும் ஒரே மாதிரியானவர்கள் என்பதை நிரூபிக்கிறது. 

02.கலிங்கம்: ஒரிசாவில் சமண மதம் மிகவும் பிரபலமாக இருந்தது. கரவேலாவின் ஹதிகும்பா கல்வெட்டு கலிங்கத்தில் ஆதிஜினா வழிபாட்டை எடுத்துக்காட்டுகிறது. எனவே பூரி சமண சமயம் சார்ந்தது என்றுரைக்கின்றனர். கலிங்கா போருக்கு பிறகு ஒடிசாவில் பௌத்தம் ஒரு முக்கிய மதமாக இருந்தது. கலிங்கா பௌத்தத்துடன் நெருக்கிய தொடர்புடையது.

 

03.சுவாமி விவேகானந்தர்: ஜகன்னாதர் கோயில் ஒரு பழைய புத்த கோயில். இதையும் மற்றவற்றையும் நாங்கள் கையகப்படுத்தி மீண்டும் இந்துமயமாக்கினோம். இதுபோன்ற பல விஷயங்களை நாம் இன்னும் செய்ய வேண்டியிருக்கும்.

 

The temple of Jaganath is an old Buddhistic temple. We took this and others over and re-Hinduised them. We shall have to do many things like that yet. " (Swami Vivekananda, ‘The Sages of India’ in The Complete Works of Swami Vivekananda, Vol. 3, Advaita Ashram, Calcutta, p. 264.)

 

04.சர். அலெக்சாண்டர் கன்னிங்காம்: ஜகன்னாதரின் தொப்புளில் வைக்கப்பட்டுள்ள பிரம்மா, குஷி நகரத்தில் இருந்து கலிங்கத்திற்கு கொண்டுவரப்பட்ட பௌத்த பல்லக்குகளைத்தவிர வேறுஒன்றுமில்லை என்றுரைக்கிறார் இந்தியத் தொல்லியல் ஆய்வுகளின் தந்தை கன்னிங்காம். 

 

தொல்பொருள் ஆய்வாளர் அலெக்சாண்டர் கன்னிங்ஹாம் தனது பில்சா டோப்ஸ் (Bhilsa Topes) என்ற படைப்பில், மறைந்திருக்கும் பொருள் உண்மையில் புத்தரின் பல்லாக இருந்தால், ஜகன்னாதர் ஒரு பிராமண (இந்து) கடவுளாக இருக்க முடியாது, ஏனெனில் உடல் உறுப்புகளை வணங்குவது இந்து மதத்தில் அனுமதிக்கப்படவில்லை என்று வாதிட்டார். இந்த நடைமுறை மிகவும் பௌத்தமானது என்பதால், ஜகன்னாதர் ஒரு பௌத்த கடவுளாக இருந்திருக்க வேண்டும் என்று அவர் வாதிட்டார்.

 

In his work Bhilsa Topes, archaeologist Alexander Cunningham argued that if the hidden substance is indeed a tooth of the Buddha,  Jagannath cannot be a Brahmanical (Hindu) God, because worship of  body parts is not allowed in Hinduism. He argued that since the practice is eminently Buddhist, Jagannath must have been a Buddhist deity.